最佳損友

主唱：陳奕迅｜作曲：Eric Kwok｜填詞：黃偉文

朋友　我當你一秒朋友　朋友　我當你一世朋友
奇怪　過去再不堪回首　懷緬　時時其實還有
朋友　你試過將我營救　朋友　你試過把我批鬥
無法　再與你交心聯手　畢竟難得有過最佳損友
從前共你　促膝把酒傾通宵都不夠　我有痛快過你有沒有
很多東西今生只可給你　保守至到永久　別人如何明白透
實實在在踏入過我宇宙　即使相處到　有個裂口
命運決定了　以後再沒法聚頭　但說過去　卻那樣厚
＊問我有沒有　確實也沒有　一直躲避的藉口　非甚麼大仇
　為何舊知己　在最後　變不到老友
　不知你是我敵友　已沒法望透　被推著走　跟著生活流
　來年陌生的　是昨日　最親的某某＊
生死之交當天不知罕有　到你變節了　至覺未夠
多想一天彼此都不追究　相邀再次喝酒　待葡萄成熟透
但是命運入面每個邂逅　一起走到了　某個路口
是敵與是友　各自也沒有自由　位置變了　各有隊友
REPEAT＊
早知解散後　各自有　際遇作導遊
奇就奇在接受了　各自有路走
卻沒人像你讓我　眼淚背著流
嚴重似情侶　講分手
有沒有　確實也沒有　一直躲避的藉口　非甚麼大仇
為何舊知己　在最後　變不到老友
不知你又有沒有　掛念這舊友　或者自己　早就想通透
來年陌生的　是昨日　最親的某某
總好於那日我沒有　沒有　遇過某某

膠布

很久沒有試過貼膠布了。
早兩天不小心被罐頭割傷了尾指，血流如注，連一向不喜歡貼膠布的我都忍不住要貼上一塊。
回到宿舍，只找到了阿禤友很多年前送我的「反斗奇兵」膠布，卻很難把它貼在傷口上，結果還是買了一盒新的膠布。
再回到宿舍，在找別的東西時，卻又看到另外一盒滿滿的膠布，是自己一早買下而又一直放在抽屜裡的膠布。當兩盒膠布放在一起的時候，我確實感到有點無奈。

弊

話說琴晚返咗屋企，咁今朝就梗係由屋企返office啦。出到尖沙嘴已經係09:45，其實已經早過平時。但係通常我都係撘地鐵再轉東鐵返office，但係今日心血來潮直接撘地鐵去到尖沙嘴，諗住行返office，點知喺金馬倫道俾我撞到貴人寶。俾佢揭發咗我咁遲先返office添！真係弊！

數碼相機

想買部相機，但係睇極都唔知買邊部好。雖然得到各方好友提供意見，但係我都未諗得清楚我想要部點樣既相機。真係麻煩！希望唔好俾自己批中，最後會因為嫌麻煩而不了了之。哈哈！

董啟章 <天工開物‧栩栩如真>

昨天在等六樓李的時候，在商務書局見到這本董啟章的新小說。(其實都唔知係唔係好新)
揭咗兩頁，好似幾好睇咁，跟住諗吓自己好似好耐冇睇過書，就買咗呢本好貴既書。(要百幾蚊，仲要我好耐都冇買書，又想扮吓有文化嘛，哈哈！希望好睇啦~~)
據聞這會是一部長達一百萬字的小說三步曲之首，講既係V城三代人既故事，香港人既集體回憶。
等我睇完再話俾大家知好唔好睇啦！

文化差異

話說尋日上貴人寶既堂，講開遊客同目的地當地的文化差異，即係鬼佬見到中國人燒野俾袓先覺得係好得意既事，可能會攞住個相機係咁影，因為外國人可能會覺得成件事好搞笑，但係本地人可能好避忌，跟住佢就講咗個好搞笑既例子，梗係要同大家分享吓啦。
話說10年前貴人寶同老婆二人遊日本，當時正值聖誕節，因為日本人都已經視之為一個大節日，所以四周圍都好有氣氛。點知突然貴人寶見到一個聖誕裝飾——就係日本人將聖誕老人釘咗係個十字架上面喎。(講緊係上緊堂既時候佢係真係扮個聖誕老人俾人釘咗係個十字架上面既姿勢，講真佢肥肥地又幾似聖誕老人喎~~哈哈！)
之後貴人寶仲幫佢地諗到個解釋，話其實聖誕老人同十字架都係關於聖誕節 (因為聖誕節係耶穌出世又死係字架上)，放埋一齊都可以理解，(又真係可以理解喎！) 但係如果俾著其他外國人見到，就可能個心有點唔舒服，話晒呢個都係一個宗教節日，外國人可能覺得咁樣會係一個 "offence" 咁話。
但真係諗起都想笑喎！

Snapshot - 宿舍床頭燈

排球

三日前打過，到今日隻手都仲係痛！
原來生疏了，就是生疏了，當中的差別可真大！