阿旺

哈哈哈，呢排好鍾意睇"阿旺"，好好笑喎！！(唔知係唔係個人低B咗呢?哈哈哈)

今日Joke位:
某某：你媽媽最鍾意抽到啲咩呢?
阿旺：我媽媽話佢最鍾意抽脂喎，咁樣可以方便啲做野，唔洗咁"論盡"喎！！
嘩哈哈哈哈哈哈…………

劉氏婚禮雜記

• 阿雯姐與阿波哥的婚禮終於都完成了，好感動呀！！全場女士狂哭！阿莉姐說得對：橋唔怕舊，最緊要受！！
• 大家都讚我的曲奇小禮物好好味、個愛的宣言牌好靚，勁開心！！
  
  
  
• 拿到二獎，可以把手伸到抽獎箱裏拿了雙手滿滿的$，哈哈，總共一千三百三十大元，可以買部新電話！！
• 在香港公園餵蚊，成腳三十粒「蚊爛」！！
• 幾天加起來睡眠時間只有九小時 (01:00-05:00 02:00-07:00) 的非人生活
• 累得要死！！
• 過後感想：幸好結婚不是我的人生目標！！哈哈哈哈！
• 奉勸大家：想擺酒的朋友真係要三思呀！！

(想看照片嗎？對不起，幫你唔到！！哈哈哈哈！！)

失望

其實都唔係好大希望，但到頭來都係有點失望。

"I am just informed by RO that your application for the scholarship is not nominated by RC chairman for the said scholarship. The application would be returned to you in due course."

今時今日咁既服務態度……點得架?!

雖然我對阿華生講呢句「今時今日咁既服務態度……點得架?!」好反感，但係今日佢實在係太切合我既心聲，所以都要借黎用一用。
因為阿莉姐仲未買到星期六阿雯姐結婚註冊時穿的禮服，所以就要陪佢周圍逛啦，作最後衝刺嘛，行吓行吓去到IFC既ZARA，本來好興奮，因為一入門口已經見到條裙 (Dress A)好鬼啱佢，梗係叫佢立即去試啦，入去試既途中，阿莉姐就見到掛係更衣室旁邊 (即係其他人試完，但係唔啱心水，放底返件衫既地方)，又有另一條裙都OK (Dress B)，但係咁冇野啦，因為之前行完成間鋪都見唔到，咁佢就入咗去更衣室試裙 ，咁我就出咗去諗住幫佢搵搵啦，但係我都係搵唔到喎，咁就攞咗另一條裙 (Dress C) 諗住叫佢試，跟住去到更衣室門口，其中一個sales就話唔可以咁樣攞另外一條裙俾佢試，如果要試另一個款就要排過隊咁話，OK,FINE! 咁咪放底條裙 (Dress C) 唔試囉 (但係中途我見到啲 sales係好殷勤咁serve啲外國人同自由行喎，係幫佢地攞晒size同唔同款式既衫喎)，直至阿莉姐試完Dress A話OK，但係都係想試埋Dress B，咁咪出去諗住問吓sales 件Dress B 放係邊，諗住自己出去幫佢攞個啱既size俾佢試囉，跟住:
我：「唔該，我想問吓Dress B 放係邊架？」
短曲髮、高高地Sales ：「應該係幅畫個喥，(手指指)係個喥，不過……我都唔知喎……嘻嘻」
阿姐，咩事呀???!!! 我唔係同你玩喎，你唔係咁答問題呀嘛，我知你間野多人，都唔係咁既態度呀嘛?! 你唔幫我搵都算啦，咁唔代表你可以同我講你唔知條裙放係邊呀嘛??!!同埋我都唔係覺得你好忙啫，你都係同其他sales係喥吹水啫，你唔係覺得你咁答我好型呀嘛，你係服務性行業，唔該你俾返少少最起碼應有既態度好唔好??!!
真係扯火！！