VIVA

Viva過咗。
見到以前既supervisor，難得佢仲好似記得我。
有野要改，但係唔多，我諗我都幾好彩。兩個星期內交埋就可以畢業。
open session一條問題都無，當然又俾貴人寶笑，問我係唔係收買咗佢地。
closed session最多問題既居然係貴人寶，點知好多都唔識答，我估其實佢想俾個機會我講吓野，但係點知我唔想講野兼且唔識講，結果......佢就即刻自己幫我兜返，好慘！
仲有唔識答、同唔想答既問題。
15分鐘原來可以好難過。
仲有俾貴人寶揭發我跌倒，同埋手震。點解你咁搞笑，專係留意埋d咁無聊既野？我諗都係因為個present太悶啦。
你真係好搞笑，我肚餓會call你架勒！
仲有好多同學、友人既祝福。
你地令到我覺得自己好幸福。多謝！

工作

星期六都要開工。
7:45收到第一個電話開始，電話沒有間斷。
早餐趕唔切食﹐午餐要到12:30先有得食。
一向覺得要"work smart, not hard"，點知得一個人work smart，結果都係無用。
講咗既野，問咗你，話明，俾既指引，問咗你，話清楚，結果都係錯。
唔該唔好自把自為。
點解係我要陪你地開工？係唔係我收埋你份錢？
收得人工，我會做好呢份工，但我唔會鍾意呢份工。
(我唔知公司同事會唔會撞到入黎，但係我太勞氣，你話俾老細聽都係咁話。)

其實返工都唔知為乜，為錢？為打發時間？為社會進步？
說到尾，還不是為老闆賺錢，然後佢再不停咁用鬼咁多冠冕堂皇既藉口，等你為佢賣命。
但係結果無人會欣賞，自己都唔會欣賞自己。
要明白，做得快，你會有更多的事情要做；做得慢，你會有更多的時間去做。
你可以話我自私，話我懶，話我逃避現實。但係如果我唔照顧自己既感受，其他人更加唔會理你。
我唔會因為自己今日成功數咗幾架車而覺得好有成功感。
我唔覺得收你萬幾蚊人工，我要將我所有既時間都俾晒你。
過唔過到試用期？唔怪之得你要問我。但係我都唔想過到。

友人說要妥協，但我唔想。
因為對於工作，我還是很挑剔。

小盆栽

有時候很喜歡收到/送出小禮物。
讀書的時候，總愛做些小禮物給友人，讓朋友開心(一相情願的想法)，讓自己開心。
有時候，禮物不用很貴，但可以令人覺得很開心。
有時候，禮物很貴，但可能不會令人覺得很開心。
有時候，見到一樣東西很適合一個人，總有衝動買下來，想要送給人。
或者會記下來，等友人生日的時候送出 (但往往會忘記......)
最近收到很喜歡的禮物，應該是那小小的盆栽，為每日不停手的工作添一點生氣。
但是，我是個善忘的人，常常忘記澆水，葉都枯黃了，以後我會記得的。
多謝！

颱風

打風。
今年的第一個颱風。
舒服了一點。
有時候，下一場雨，好像也不錯。
工作給搞亂。
九萬個電話。