壞心情

這陣子心情不太好，諸事不順。
手提電腦修不好。要修的還沒有去修。
第一卷的135底片因為相機的後蓋無故鬆脫而曝光。
數位相機留在姐姐家而沒有帶去迪士尼。
到迪士尼拍的兩卷底片都因為曝光過度而曬不出來。
研究結果遲遲都找不出來，理不出頭緒。

想不通的始終想不通。又被誤會。

兩次約了時間結果卻撲了個空。
就連家裡訂好的櫃子送貨日期都要延期再延期。
唉……何時走出困局？

HK Disneyland

第一次參觀香港迪士尼樂園，一個機動遊戲都冇玩，淨係睇咗Parade, Lion King Show, Golden Mickey's Show, 3D影院同埋煙花。整體上都OK。但係可能因為接近暑假既尾聲，樂園裡面都幾多人，排隊睇show平均要排半個鐘先睇到一個。以我地兩點先抵達樂園既時間黎講，睇得晒所有既show都算係幾好彩。
我仲同巴斯影咗相！哈哈哈！巴斯原來會幫人簽名架喎，見佢幫個小朋友簽咗大大隻"BUZZ Lightyear"，好好笑喎！但佢手字就真係麻麻勒！哈哈哈！

P.S. 個城堡個顏色怪怪地，但係夜晚打咗燈都幾靚架。

永遠懷念

兒時自創玩意之二

小龜真係勁，細細個已經做designer兼公司大班，有晒卡片咁。大家快d繼續留言俾我，睇吓你地細個既自創玩意有d咩，睇吓會唔會同我個d一樣架啦！


除咗之前寫過出黎個d之外，我仲有玩"竹蜻蜓"，即係用紙整的那一種。整到一個"Y"咁樣，然後在井字形公屋中的井拋下去，個"竹蜻蜓"就會轉住咁跌落去，好鬼正架！但係而家唔可以玩，因為會做咗垃圾蟲，唔係就會俾人扣分兼罰千五。

其實點解覺得兒時自創玩意咁值得講，因為阿蘇講咗句好啱聽既說話。佢話呢個年代既細佬好受保護，暑假時都係由爸爸媽媽安排好所有活動，學彈琴、學游水、打打機，所有玩意都缺乏想像力。反而以前既小朋友，因為家境無咁好，好多時都唔會買玩具俾小朋友玩，暑假時就會由得小朋友到公園和其他小朋友玩，咁就一日啦。邊會要幫小朋友諗活動咁話。諗諗吓都真係講得好啱！

兒時自創玩意

看<一粒鐘真人蘇>，阿蘇說到孩童時的自創玩意，讓我發現自己玩的居然和她的一樣。就在這介紹給大家。而如果你亦有特別的自創玩意，和我分享一下吧！
我的自創玩意如下：

搣支票
用具：一支筆、一張紙
方法：在紙上大力劃下一段又一段的線，就像這樣: - - - - - - - - ，要很大力的說，跟著便可跟著線撕下紙張。

放風箏
用具：一個背心膠袋、一個線轆
方法：用線縛起背心膠袋的兩個手抽，就可以當風箏玩的了。
(背心膠袋可以日曆紙代替)

耍劍
用具：雜誌紙/報紙一疊、膠紙
方法：將雜誌紙捲成如竹一般的捧，把尾部屈起如"b"字，即成古代西式劍一把。

想到其他的玩意再和大家分享啦！

notebook回歸

notebook回到我的手裡，卻仍然是壞的。是keyboard壞了。我太用力了嗎？
由Window XP Home Edition變咗做 Professional。
如果拿到Samsung維修的話要$400(keyboard$)+$380(check機$)=$780，會唔會貴了一點呢？
心情低落。
點好呀？

第三筒

呢筒既效果我都幾鍾意，我諗我都係鍾意e to c 多一點。
要睇晒所有既相，就click右面"My Holga Output" 個條link啦。

上星期

上星期，到HKU上了四日SPSS課，有想駡人的感覺！我明白用syntax的好處，但既然大家都知道用syntax的人少之又少，為什麼不可以教大家都想學的東西呢？如果你真的想教這麼偏門的方法，大可在課程簡介中就寫出來！不寫出來大概是怕報名人數不夠吧！幸好學費由學校支付，要不然我怕我會受不了而痛駡老師。

上星期，手提電腦發瘋了，找人幫忙修理，現正搶修中。又因為到HKU上了四天的課，友人們應該很少見到我上網吧。

上星期，其實是昨天，再一次到西貢玩wakeboard。天氣好得不得了，結果變了隻燒豬。開始學習在wake內zig-zag行，感覺良好但有失控情況出現，結果只有跌入水中！哈哈！