返來了

從杭州回來了。
話說這一次去杭州並非出於自願，旅程由一封被CC的email開始，循例問一問想唔想參加，跟住到要開meeting，準備presentation既資料，到同組員討論細節，跟住就同其他5位只在香港見過三次的組員一齊出發，前後都唔到三個星期。
但估唔到這次的旅程係出奇地開心+興奮+搞笑+好玩！ 先講一講組員們，初初見到以為他們都是不愛玩的書生們，點知真係大錯特錯，原來個個都係好鬼crazy！熊貓組長被話好似郭富城；副組長強哥為「魔術」大師；發言人康係攝影發燒友；祖是科學分析專家；維也納是睡公主，而我當然係傻笑部主管啦！哈哈！
今次的交流(除咗第一日——因為呢一日係學術論壇同歡迎大會)，其他日子基本上係一個旅行團，雖然間酒店就麻麻地，但係食嗰方面就真係一流，每一餐的餸菜都係密鋪桌面，差不多晚晚都有魚蝦蟹，仲有趣怪食物水魚湯同我最愛既醉紅棗，佢地仲好有心思地唔俾雞我地食因為怕有禽流感，真係超級周到。
而話說佢地會派一個褓母俾每一間香港的大學，而好榮幸地我地係由阿波爺照顧，佢就真係我地今次旅行團既歡樂泉源，皆因由阿強哥同阿祖哥教佢高級粵語生字，其中包括：蛋散、拾吓拾吓、痴Q線、靚女，我帶你去公園行街街，等等……仲有太多更高級的生字不宜在此盡錄，真係笑到肚都痛埋！
然後好似返咗去玩O'camp咁，Black Magic、IQ題、野外拓展、吹水、玩啤牌、認識新朋友。
旅行團的參觀安排都係非常好：
第一日︰玉泉校區+presentation+悶爆研討會
第二日：青山湖野外拓展爬一支七米高鐵柱扮空中飛人
第三日：千島湖遊船坐埋超恐怖吊架車
第四日：紹興睇魯迅故居，扮孔乙己飲紹興酒，參觀埋王羲之所提到的蘭亭，再極速逛書店遊杭州市中心
第五日：西湖遊船，上六和塔再到紫金港校區 (內有廿幾三十個籃球場平排一齊的壯觀，但都只係呢個校區的十分之一的面積，真係好鬼誇張！)



















今次呢個trip真係好鬼開心，每日都有笑料，仲要個個都係搞笑能手，最好笑係玩Black Magic，估到內地既朋友們 (包括好似阿呆既阿煌哥同阿波爺) 頭都痛埋，仲有超自然既腦電波科學分析，真係玩到有啲樂而忘返！

真係好開心呀！

死線當前

下星期二便要出發到杭州"交流"，在這之前，又是埋首文字創作的時候了。

每日一snap：

Water Sports

累死了！
今天和阿莉姐一起去玩wakeboard，不單只上到水，仲要滑行數百米，再轉個靚彎，享受極速快感！但係雙手有想斷既感覺囉！
仲要坐埋個順風Jet-ski，真係好玩到傻！
下年夏天再來！！

地球人

地球人相繼變成了外星人九個人只剩下兩個

再遊大浪西灣

美術展

說起我的中學時代，不得不提的，一定是那些把人折騰得要死的美術功課，因為阿矮郭的緣故，每一年都有新創意：
中一年級有超級大個的ArtFile；
中二年級有報紙玉扣紙動物、135周年的ArtRoom森林展(我的作品是用鐵絲網砌成的恐龍蛋)、家庭蘋果畫；
中三年級有之前已經貼在這裡的返學鞋、紥染、超大型Tapestry及ArtRoom動物壁畫……

(<-- 呢一幅畫係唔係好熟口面呢？)


剛剛的星期六、日是中學145周年大型活動的最後一擊(數一數，我中學二年級已經是10年前，好老……)，在香港藝術中心擺放了這幾年同學的美術作品。本來都沒有想過要去參觀，但就因為阿龜朋的來電，說給她發現了我的中三(即9 年前)的傻瓜樣 ——正因為那時候，我幫自己的班別做代表，畫了一張ArtRoom的凳，而又唔知點解那時候居然影了一張單人照，結果……當然係要去「搵返自己」、然後就影低埋自己，真係得閒就可以拿出來笑一笑！ 咁都不特只，仲俾我搵到當年修讀美術的阿師朋的照片，哈哈~~ 參觀其間，見到B女一個人自己靜靜地係展館喥行，好少咁低調喎！

又，影低了其中一些我覺得唔錯的展品，俾冇去到既「心人」一齊欣賞吓啦！